د پکتیا څمکنیو ولسوالۍ خلک د ژوند اساسي اسانتیاوې غواړي

د پکتیا ولایت څمکنیو ولسوالۍ اوسېدونکي وايي، سیمه یې ګڼ مېشته او د ولایت په کچه مهم کاروباري مرکز دی خو وګړي یې د ژوند لازمي اسانتیاوې نه لري. دوی وايي، لارې يې خرابې دي او تر اوسه دې سیمې ته برېښنا نه ده غځېدلې. دا راز د خلکو بې کاري ډېره ده او له مخکې وخت هم ځینې پروژې نیمګړې پاتې دي، چې باید بشپړې شي. د طالبانو د حکومت ولایتي چارواکي وایي، د ستونزو د حل هڅې کوي. ویډیویي راپور.