د خیبر پښتونخوا د ژغورنې او مرستندویه چارو اداره (رېسکیو ۱۱۲۲) وايي چې په نوښار او چارسده کې یې په اوبو کې د ډوبو کسانو د موندلو هڅو ته دوام ورکړی دی.
ادارې د اپرېل پر ۱۲مه پر اېکس په بیان کې ویلي دي چې د نوښار په کونډ کې یو او په چارسده کې درې تنه په سیند کې ډوب شوي دي چې تر اوسه یې درک نه دی لګېدلی دی.
ریسکیو1122 / غوطہ خور آپریشن جاریریسکیو1122 غوطہ خور ٹیموں کا نوشہرہ اور چارسدہ میں سرچ آپریشن جاریکنڈ میں 1 اور چارسدہ میں 3 افراد پانی میں لاپتہ ہیںنوشہرہ، مردان، صوابی، چارسدہ اور پشاور کی غوطہ خور ٹیمیں سرچ کررہی ہیںریسکیو1122 کی جانب سے اوپن سرچ اور ڈائیونگ سرچ جاری ہے pic.twitter.com/oN8uQSgvLu
— KP_Rescue1122 (@KPRescue1122) April 12, 2024
رېسکیو ۱۱۲۲ ویلي دي چې لامبوزنو یې د ورکو کسانو موندلو لپاره عملیاتو ته دوام ورکړی دی.
په خیبر پښتونخوا کې په اخترونو کې اکثر خلک سیلځایونو او د سیندونو غاړو ته ځي او هلته مېلې کوي چې پر مهال یې کله نا کله حادثې کېږي چې مرګژوبله هم اړوي.
رېسکیو ۱۱۲۲ په بل بیان کې ویلي دي چې کارکوونکو یې د اپرېل پر ۱۰مه د اختر پر لومړۍ ورځ د خیبر پښتونخوا په بېلابېلو برخو کې د ۱۴۸ ټرافیکي پېښو، ۵۷ اور لګېدنو، ۱۶ جرمونو او په اوبو کې د ډوبېدو د دوو پېښو پر مهال خدمات وړاندې کړي دي او ټول ۷۷۵ تنه یې ژغورلي او روغتونونو ته لېږدولي دي.
بیان زیاتوي چې په هغو پېښو کې اووه تنه وژل شوي دي.