د شمالي وزيرستان د میرعلي یونین کونسل خدي سيمې بلدیاتي چیرمین کمال شاه لادرکه کړل شوی دی.
د کمال شاه د تره زوي او ملي جمهوري غورځنګ د خيبرپښتونخوا وياند جمال داوړ مشال راډيو ته وويل چې د جون پر اوومه کمال شاه د څه کار لپاره بنو ته تللی وو چې هلته ناڅرګنده کسانو تښتولی دی.
د غورځنګ مخکښ افرسیاب خټک بيا پر اېکس پاڼه په خپل بيان کې تور پوری کړی چې دا کار د جاسوسي ادارو ښکاري.
د غورځنګ مشر محسن داوړ د جون پر اتمه پر اېکسپاڼه لیکلي دي چې د کمال شاه د تښتونې عمل د ریاست لخوا د سیاسي فعالانو پر وړاندې د ظالمانه ځورونې ښکاره مثال دی.
Chairman Village Council Khadi 2, North Waziristan, Kamal Shah, was abducted yesterday by state agencies from Bannu New Adda. This brazen act is a stark reminder of the state%27s ruthless persecution of political activists. We demand his immediate release.#ReleaseKamalShah pic.twitter.com/gedHElJEq4
— Mohsin Dawar (@mjdawar) June 8, 2024
محسن داوړ غوښتنه کړې ده چې کمال شاه دې زر تر زره خوشی کړل شي.
د بنو پولیسو په دې اړه مشال راډيو ته له څه ويلو ډډه کړې خو د استخباراتي ادارو ځينو چارواکو بيا د نوم نه څرګندولو په شرط مشال راډيو ته ويلي دي چې د کمال شاه د خوشې کولو هڅه کوي. البته دوی په دې کار کې د جاسوسي ادارو لاس لرل رد کړي دي.