د بلوچستان په پښتون مېشته سيمه دوکۍ کې له زندانه د درې بندیانو د تښتېدو د پېښې په تړاو درې پوليس سرتېري نيول شوي دي.
د دوکۍ د پولیسو یو مشر جلیل مري د جولای پر درېیمه مشال رېډیو ته وویل چې درې بندیان د جولای پر لومړۍ نېټه له زندانه تښتېدلي ول چې یې د بیا نیولو هڅه کوي.
هغه زیاته کړه چې د پېښې په تړاو يې د لاپرواهۍ په تور د زندان درې ساتونکي ګل خان، عبدالغني او اسماعيل مري له دندو ګوښه کړي او د پلټنو په خاطر يې ګرفتار کړي دي.
دا هم وګورئ:
د بشري حقونو څار سازمان: پاکستان کې بندیان له روغتیايي اسانتیاوو بې برخې ديکورمه کې یو قیدي په تشدد وژل شوی، د پولیس خلاف لاریوند پاکستان ډان ورځپاڼه د پوليسو له قوله ليکي چې هغه بندیان د غلا او قتل په څېر په "لویو جرمونو" کې ککړ ول چې د زندان د تشناب د کړکۍ له لارې تښتېدلي دي.
ورځپاڼې د هغوی نومونه عصمت الله، عبدالکبیر او محمد صادق ښوولي دي او ویلي یې دي چې عدالت درې ځلې د عصمت الله او عبدالکبیر د ضمانت درخواستونه رد کړي ول.
تر دې وړاندې د جولای پر دويمه هم د پاکستان تر واک لاندې کشمير د راولاکوټ له زندانه ۱۸ بنديان، چې پکې شپږو ته د اعدام سزا اورول شوې وه، تښتېدلي ول.