د خیبر پښتونخوا سیلانۍ سیمې سوات په مينګوره کې د یوې نوې جوړېدونکې وادني پر یوه بل کور د راپرېوتو له کبله د يوه کور څلور تنه وژل شوي او دوه نور ژوبل دي.
د مړي کهاله یوه غړي له مشال راډيو سره په خبرو کې وویل چې پېښه د یوې غير معياري ودانۍ د نسکورېدو له وجي رامنځ ته شوې ده.
د مشال راډيو خبریال وايي، د مينګورې په خونه ګل محله کې د بېګا شپه یوه څلور چته ودانۍ چې جوړېدله د استوګنې پر کورنو راغلې چې پکې د عنايت الله نومي تن ټوله کوړمه مړه شوې او دوه تنان ژوبل دي.
د عنايت الله ورور مطيع الله مشال راډيو ته وويل چې د ورور کور خوا ته یې څلور چته ودانۍ جوړېدله او دوې ورځې وړاندې یوې خوا ته کږه شوې هم وه چې د شپې را پرېوته.
دی وايي چې یوه ورندار او دوه د ورور بچیان یې مړه دي، د کورنۍ دوه نور تنان یې هم ژوبل شوي دي.
له پېښې وروسته ضلعي انتظاميې، بيړنۍ ادارې ريسکیو ۱۱۲۲ ژوبل او مړي له کنډکپرو رااېستلي دی.
نن د پېښې په ځای کې د سوات ضلعي انتظاميې مرستيال مشر اې ډي سي زمين خان مومند خبريالانو ته وویل، د تحقيقاتو امر یې جاري کړی دی او د ذمه وارو پرضد به کارروايي کوي.
له سواته د صوبايي اسمبلۍ غړي فضل حکیم ویلي چې له ځپل شوې کورنۍ سره به مالي مرسته کوي.
د دغه ودانۍ جوړولو چارې د رحمت علي پر غاړه وې، مشال راډيو ورسره د رابطې هڅه وکړه خو بریالۍ نه شوه.