شاهنواز ترکزی له پېښوره د مشال راډیو خبریال دی او د مومندو، باجوړ او شاوخوا سیمو په اړه رپورټونه جوړوي.
د مومندو د پنډیالۍ او دانشکول اوسېدونکي وايي، په سیمه کې د ماشي چیچلو له وجې شاوخوا ۱۰۰ ماشومان په لېشمنایسېس یا لېشمېنیا ناروغۍ اخته شوي دي. چارواکي وايي، بیړنی حالت یې اعلان کړی، د ناروغانو درملنه کوي او سیمې ته واکسین هم رسوي. ویډیويي رپورټ وګورئ.
د مومندو د یکه غونډ په کالج کې د یوه مشاعره شوې چې ورته د خیبر پښتونخوا له یو شمېر سیمو شاعران او ادیبان ورغلي ول. د مشاعرې په تالار کې خلکو له څلورساعتني محفله خوند واخیست.
حضرت علي د کالو خان اوسېدونکی دی چې د خیبر پښتونخوا د صوابۍ په شوې اډه کې یې یو وړوکی دوکان پرانیستی چې پکې شوقیانو ته رباب ښيي. دی وايي، نه یوازې دوکان ته، بلکې کور ته هم ځوانان ورځي او رباب ورڅخه زده کوي. ویډیويي رپورټ وګورئ.
په خېبر پښتونخوا کې د صحت محکمې چارسدې څانګې لخوا په رشکۍ شوقدر کې د ګوزڼ مخنیوي په اړه غونډه وشوه. په غونډه کې هغه خلک چې خپلو ماشومانو ته د پولیو څاڅکو ورکولو انکاري دي، مالومات ورکړل شو. نور مالومات د شاهنواز ترکزي په ویډیو کې.
محمود خان په قبایلو کې د تېرې شاوخوا یوې نیمې لسیزې ناامنیو ته په اشاره وویل، د هغو سیمو ولس د امنیت لپاره ډېرې قربانۍ ورکړې دي نو اوس وخت دی چې
د نومبر پر پینځمه، د مومندو په ښوونځیو کې کلنۍ سپورټي مېله پیل شوه چې پکې زده کوونکي په بېلا بېلو لوبو کې برخه اخلي. د سیالیو پرانیستغونډې ته ورغلو چارواکو وویل، د تکړه لوبغاړو نومونه لیکي او په راتلونکې کې ورته په لویو لوبډلو کې ځای جوړوي. ویډیويي رپورټ وګورئ.
د پېښور ، مومندو او شوقدر د موټرو چلوونکو د سي این جي پمپونو د مالکانو لخوا په قېمتونو کې د زیاتوالي خلاف احتجاج کړی دی. دوي وايي ، په یوه شپه د سي این جي په قېمت کې د لسو روپیو زیاتوالی دوي ته د منلو وړ نه دی.
په مومندو کې د احتجاجیانو وینا وه چې په خیبر پښتونخوا د قبایلي سیمو د ورګډولو پر مهال هم ورڅخه پوښتنه نه وه شوې او اوس د پولیسو نظام په اړه هم ورسره مشوره نه کېږي.
د مومندو مشرانو له حکومته غوښتنه کړې ده چې په سیمه کې له جوړېدونکي بنده اغېزمنېدونکو خلکو ته دې تاوان ورکړي او د هغوی سیمې دې د چین – پاکستان اقتصادي لار په پروژو کې شاملې کړي. دې مشرانو د سېپټېمبر پر ۲۳مه په یوه جرګه کې له حکومته د بند د اصلي نقشې د ورښودو غوښتنه وکړه. ویډیويي رپورټ.
د پاکستان د حکومت له اعلان سره سم، د هېواد د نورو برخو په څېر په مومندو کې هم د ونو او بوټو نهالولو کیمپېن پیل شوی چې تر درو ورځو به روان وي. د تحریک انصاف په مشرۍ اېتلافي حکومت ویلي ول چې د سېپټېمبر پر دویمه دې چارواکي د هېواد په ټولو برخو کې ونې کښېنوي. چارواکي وايي، په مومندو کې یو لاک بوټي لګوي. رپورټ وګورئ.
د صوابۍ امجد علي هره ورځ دوکان ته ورځي او ربابونه او سېتارونه جوړوي. دی وايي، له ۲۵ کلونو راهیسې دا کار کوي. امجد علي استاد وايي، د موسیقۍ د دې الاتو لپاره د کابل د بېدانه شاهتوتانو لرګی تر ټولو ښه دی. د استاد په لاس جوړ ربابونه او سېتارونه ان تر اروپا رسېدلي دي. په اړه یې دا ویډیويي رپورټ وګورئ.
د ملاکنډ ضلعې په ختیځ کې د نهر خوا ته یو وړوکی بازار دی چې بنګله بازار نومېږي. دلته واړه کاروبارونه دي خو هریچند او ملاکنډ ته ورڅخه د اهنګرانو په لاسونو جوړې جنرېټر نومي رکشې یا ګاډي هم ځي. په بازار کې یو چمبه یا تمبل جوړوونکی هم شته. رپورټ وګورئ.
په هنګو کې له ۳۳مې حلقې څخه د متحده مجلس عمل نوماند او د صوبايي اسمبلۍ پخواني غړي عتیق الرحمان د جولای پر ۲۹مه مشال راډیو ته وویل چې د تحریک انصاف سیاستوالانو د بریا لپاره منظم کار شوی وو نو انتخابات له درغلیو ډک ول او نه یې مني.
د شبقدر پر لویه څلور لاره د سړک تر غاړې خلکو ته روژه ماتی برابرېږي چې د منتظمینو په وینا، هر ماښام شاوخوا ۷۰۰ بېوزله کسان روژه ماتی کوي او ډوډۍ خوري. د دې روژه ماتي لپاره پیسې له شتمنو خلکو غونډېږي. ویډیويي رپورټ.
د تحریک انصاف ګوند غړو د مومندو په غلنۍ کې احتجاجي مظاهره کړې چې پکې یې له حکومته غوښتنه کړې چې قبایلي سیمې دې سمدستي په پښتونخوا ورګډې کړي. دوی د دوشنبې پر ورځ په غلنۍ کې لاریون هم وکړ. تفصیل په ویډیويي رپورټ کې.
د قبايلي سیمو ملاګورو او مومندو يوې جرګې له حکومته غوښتي چې د وارسک ډېم د بجلي ګټه دې ورکړي. دې مشرانو جرګې ته په وينا کې وويل چې بند د دوی پر خاوره جوړ دی نو بايد حکومت يې له قانون سره ملکيتي ګټه ورکړي.
د مردان په جنډو بازار کې له مزرو او لرګیو څخه په لاسونو جوړ شیان خرڅېږي چې په رنګونو ښایسته شوي وي. دوکانداران وايي، په کور کې ښځې اکثر دا شیان جوړوي چې ورته مواد له ملاکنډ او دیر څخه راوړي. البته دوی وايي، د پخوا په نسبت یې کاروبار اوس خراب شوی. دا چې ولې؟ ځواب یې په ویډیويي رپورټ کې.
د پاکستان په شمال کې د ګلګت بلتستان او د قراقرم له غرونو سره سیمې د خپل فطري ښایست او د خلکو د اوسېدو او دودونو د بېل انداز له کبله ډېرې مشهورې دي او هر کال ګڼ سیلانیان ورځي. البته دې سیمو ته د ورتګ لارې اسانه نه دي ځکه چې هر کس چې غواړي هلته ورشي باید له تنګو لارو، لوړو غرونو او لوړو، ژورو تېر شي.
د مومندو د پړانګ غار (یوسف بابا) سیمه د خپل ښایست له کبله مشهوره ده چې په دوبي کې ورته ګڼ سیلانیان ورځي. د دې سیمې نوم د یوه زیارت په نوم ايښودل شوی دی. د سړکونو خرابوالي له کبله اوس یوسف بابا ته کم سیلانیان ورځي. راځئ چې د دې سیمې په چکر لاړ شو.
په ګلګت بلتستان کې اسلامي تحریک ډلې له حکومته غوښتنه کړې چې چین – پاکستان اقتصادي لار کې دې ورته پوره برخه ورکړي. دوی د یکشنبې یا اتوار پر ورځ په غونډه کې له حکومته په پارلېمان کې د استازیتوب غوښتنه هم وکړه. تفصیل په ویډیو کې.
نور وښیئ
