فرهاد شینواری په خیبر کې د مشال راډیو خبریال دی او د هم هغې سیمې پر سیاسي، اقتصادي او ټولنیزو موضوعاتو خبریالي کوي.
ناهید اپریدۍ له قبایلي سیمې خیبره د صوبايي اسمبلۍ عمومي څوکۍ انتخاباتو ته ولاړه ده. نوموړې د جون پر نهمه په جمرود کې تر خبري غونډې وروسته مشال راډیو ته وویل، د مخصوصو څوکیو پر ځای عمومي سیالۍ ته ځکه راوتلې سیاست یوازې د سړیو نه بلکې د ښځو حق هم دی. ویډیويي رپورټ وګورئ.
د خیبر قبایلي ضلعې په باړه تحصیل کې د څه نا څه کلنې ناکراریو او بدامنیو پس ولس عادي ژوند ته پر راګرځېدو دی. دې سیمې ته دوه کاله وړاندې د بې کوره کړل شویو خلکو ستنېدل پیل کړي چې له کبله یې د باړې لوی بازار هم تر یو څه ځایه بیا اباد شوی دی. د فرهاد شینواري ویډيو
د خیبر قبایلي ضلعې پر تورخم دروازه افغانستان ته تګ راتګ کونکي وايي ، هلته ګمارل شوي پولیس له دوي سره ښه چلند نه کوي او بې ځایه یې تنګوي.
په خیبر کې پر یوه غرنۍ څوکه جوړ د تیمورلنګ د یرغلونو مهال دغه زندان په باب ویل کېږي چې له دلته به زندانیان ډېر سخت شکنجه کېدل او له دې پس به یې له پاسه پورېوهل. د مشال راډيو همکار فرهاد شینواري یې ویډيو راپور تیار کړی دی.
د جميعت علما اسلام مشر مولانا فضل الرحمن ويلي چې په هېواد کې ناکراري ده خو نه پوهېږي نږر سياسي ګوندونه ولې غلې ناست دي.
د فاټا ګرینډ الاینس په نامه سیاسي اتحاد د اپرېل پر ۲۰مه د خیبر قبایلي ضلعې په جمرود کې داسې ولسي غونډه کړې چې د ټولو قبایلي ضلعو مشرانو پکې ګډون کړی وو.
د قبایلي ضلعو د لوبو د ډایریکټوریټ چارواکي وایي په دې کې له باجوړه تر وزیرستانه په سلګونه لوبغاړي برخه اخلي او ۲۶ لوبې پکې شاملې دي او تر دوه ونیو پورې به دوام لري.
د اپریل پر څلورمه په نړۍ کې د ځمکلاندې ماینونو په اړه د پوهاوي ورځ ولمانځل شوه. په دې اړه په خېبر ضلع کې د جګړو او ځمکې ماینونو له کبله ژوبل شویو او معذوره شویو کسانو له مشال راډیو سره خپلې کیسې په دې ویډیو کې داسې بیانوي. ویډیو: فرهاد شینواری.
د خیبر انتظامي چارواکي وایي قومي لښکر د مارچ پر ۲۳مه په کټه کوشته سیمه کې د خیبر درې پر لار د پاکستان د لویو سړکونو د ادارې له خوا جوړه شوې ټول پلازه ړنګه کړې ده.
د خېبر پښتونخوا د خېبر قبايلي ضلعې په کټه کشته سیمه کې د لويو لارو د قامي ادارې (اېن اېچ اې) لخوا د ټېکس اخیستو پرضد ټرانسپوټرانو نن [مارچ ۱۶مه] پینځه ساعته وروسته خپل احتجاج ختم کړ او د خېبر درې لاره پرانيستل شوه.
امین ګل اپریدی د خیبر د جمرود سندرغاړی دی چې د کلونو تر ناامنۍ وروسته یې بیا سندرې ویل پیل کړي. دی وايي، اوس په ښکاره ولسي ځایونو ته ځي او د موسیقۍ محفلونه جوړوي. د امین ګل اپریدي خبرې او د سندرې یوه برخه په دې ویډیو کې وګورئ.
د خیبر پښتونخوا په خیبر قبایلي ضلع کې تر اوسه په زرګونه کسان په کالدانه یا لشمینیا ناروغۍ اخته شوي دي.
د خېبر د باړې په برقمبر خېلو سیمه کې د جوډو په یوه کلب کې ۱۸کلن قیصر اپریدی نړیوالو سیالیو لپاره تیارې کوي. نوموړی وايي، شاوخوا ۲۰ کورني او نړیوال میډالونه یې ګټلي او غواړي نړیوال مقام هم تر لاسه کړی. په دې اړه د فرهاد شینواري ویډیويي رپورټ وګورئ.
د حمزه بابا د ۲۵ تلین د لمانځلو په پلمه په لولړګي کې یوه غونډه وشوه چې پکې د پشتو ژبې اوسمهالو لیکوالو خبرې وکړې.
د پاکستان او افغانستان د سوداګرۍ او صنایعو خونو مشر وايي، د دواړو هېوادونو تر منځ د سوداګرۍ کمېدو لامل دا دی چې پاکستان د ټرانزېټ سوداګرۍ په موافقه کې داسې مشکلات پیدا کړي ول
باړې او تیرا سره تعلق لرونکي سیکان وایي، هلته د دوی شاوخوا تر ۱۵۰ کورنیو ژوند کاوه خو اوس بې ځایه شوي دي.
د خیبر د باړې د خبریالانو مرکز شاوخوا ۱۰ کاله وروسته بیا پرانیستل شوی دی. امنیتي او انتظامي چارواکو د جنورۍ پر ۱۹مه خبریالانو ته مرکز وسپاره چې پکې د هغوی هلې ځلې پخوا درېدلې وې. د باړې د خبریالانو مرکز مشر خیال مت شاه اپریدی وايي، د ناامنیو له کبله خبریالان له مشکلاتو سره مخامخ ول.
د جنورۍ پر اوومه د خیبر په باړه کې شاوخوا ۱۰ کاله وروسته د څارویو مېله لګېدلې ده. منتظمین وايي، دا مېله پخوا دومره مشهوره وه چې له کندهار او خوسته به هم خلک ورتلل او د څارویو او مرغانو سوداګانې به یې کولې. د باړې د دې مېلې په اړه ویډیويي رپورټ وګورئ.
د خیبر قبایلي ضلعې د تعلیم محکمې چارواکي وایي چې په خېبر کې د پنځو کالجونو په کډون ټولې ۶۷۴ تعلیمې ادارې شته چې په دې کې شاوخوا۱۵۰سرکاري سکولونو ته وسله والو زیان اړولې و او ۶۸ یې په بشپړه توګه له منځه وړي.
د خیبر د باړې ۲۶ کلن شېر عالم اپریدی شاوخوا دوه کاله مخکې له کوره ووت او په ناقانونه توګه اروپه ته روان شو. کورنۍ یې وايي، د ۲۰۱۷ز کال په مارچ کې هغه ایران کې وو چې ورسره یې رابطه پرې شوه.
نور وښیئ
