نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د پکتیا امنیه قوماندان مل پاسوال توریالي عبدیاني د پيښې په ځای کې مشال راډیو ته وویل، وسله وال برید د یکشنبې پر سهار اووه وسله والو کړی وو چې تر شاوخوا څلور بجو د امنیتي ځواکونو او وسله والو تر منځ نښته روانه وه.
د افغانستان په پکتیا ولايت کې نن سهار د پوليسو په يو مرکز برید کې شپږ وسله وال وژل شوي دي. دا بريد په ګردېز کې شوی دی.
د شنبې په ورځ په خوست کې د نوري فایبر د انټرنیټ او د پنځه زره مزو په ظرفیت د تلیفون دوې پروژې،له بشپړیدو وروسته پرانیستل شوې.
د خوست د تریزیو او عليشېرو ولسوالۍ اوسېدونکیو له دولته غوښتي، چې د سېشنبې په ورځ د یو ماشوم د قتل او لارې وهنې په تور نیول شوي کس ته دې تر ټولو سخته سزا ورکړي.
لوګر: د افغانستان د لوګر ولایتي شورا یو شمېر غړي وايي، پدې وروستیو کې د یاد ولایت په ځینو ناامنو ولسوالیو کې بهرني وسله وال ځای پر ځای شوي او د لوګر او نږدې ولایتونو د امنیت د خرابولو هڅې يې پیل کړي دي.
د مشال مرکې د دې اونۍ میلمه مو د لوګر والي حلیم فدايي دی. نوموړی د حکومتي مسولیت ترڅنګ د یاد وړ فرهنګي شخصیت هم دی.
خوست: دافغانستان د خوست لسګونو قومي مشرانو، دیني عالمانو، مدني فعالانو او اوسیدونکو په کابل کې د جمعې ورځې د لاریون تنظیموونکي وغندل او له افغان حکومته يې د هغوی د محاکمې غوښتنه وکړه.
د خوست چارواکي وايي، چې د یاد ولایت پولیسو څلور تنه په قتل کې د لاس لرلو او دوه تنه د موټر تښتونې په تور نیولي دي.
د سویل ختیز زون د شپږو ولایتونو ملکي او پوځي چارواکي وايي، چې د یادو ولایتونو په اوږدو کې به د لویو لارو د امنیت د خوندیتوب همدارنګه په یادو سیمو کې د حکومتوالی د ښه کولو او د حکومت او ولس د اړېکو د نږدې کولو په خاطر په خپلو کې همغږي او همکاري ډېره کړي.
د والي وياند مشال راډیو ته ويلي چې د يکشنبې سهار مهال د خوښۍ ولسوال عبدالحمید حامد او دوه ساتونکي يې خپل دفتر په لاره وو چې ورباندې بريد وشو.
د خوست د عامې روغتیا سرپرست ګل محمدین محمدي مشال راډيو ته وویل ، ۱۴ مړي او ۸ ټپیان روغتونونو ته ور وړل شوي دي.
په خوست کې یو شمېر قومي مخورو او د بیلابیلو ټولنیزو بنسټونو استازو په یوه غونډه کې د پولې په دواړو غاړو کې، پښتنو ته په ورپېښوسیاسي او ټولنیزو ناخوالو انديښنه څرګنده کړه او ددې حالاتو نه د ژغورنې یواځنۍ لار يې د پښتنو یووالی او په خپلو کې د ناستو ولاړو ډېریدل یاد کړل.
په لوګر کې د کوچي قومونو یو شمېر مشران او سپین ږیري وايي، چې دوی د پاکو اوبو، ښوونځیو او روغتیايي مرکزونو په ګډون له ډېریو اسانتیاوو بې برخې دي او له کړاوه ډک ژوندون تېروي.
په خوست کې د یو شمېر رسنیو کارکوونکي او مسوولین د ولسونو د سیاسي او ټولنیز شعور په بیداری کې د رسنیو ونډه مهمه بولي او زیاتوي چې په تېره یوه نیمه لسیزه کې ټولیزو رسنیو خلکو ته د هېواد په ابادی او رغونه کې د پراخه ونډې اخیستنې روحیه ورکړې ده.
د پنجشنبې ورځې ناوخته د خوست یو شمېر خبریالانو او د بیلابیلو رسنیو استازو د ننګرهار په راډیو تلویزون د وسلوالو برید وغانده او د افغان حکومت او نورو مخالفو وسلوالو ډلو يې وغوښتل چې د ملکي هدفونو او د رسنیو ادارو د امنیت خوندیتوب ته دې جدي پاملرنه وکړي.
د پنجشنبې په ورځ په میدان ورکو کې د مڼې ګل دودیزه کلنۍ مشاعره د یو شمېر نورو ولایتونو د میلمنو شاعرانو، فرهنګیانو او علمي شخصیتونو په ګډون جوړه شوه.
د خوست یو شمېر دیني عالمان او د پوهنتون استادان وايي، کچیرې د افغانستان اساسي قانون په ټولو خلکو یو ډول پلی شي، پدې هېواد کې شته سیاسي او ټولنیزې ستونزې ورسره تر ډېره حلیږي.
د لوګر امنیتي چارواکي وايي، جنګي فصل ته د دوی ژمنۍ تیاریانې، د امنیتي ادارو تر منځ د همغږۍ ډېریدل، د پوځي قطعاتو اکمال، تجهیز او د خلکو همکاري د دې لامل شوې ده، چې د نورو کلونو په پرتله د لوګر امنیت ډاډمن شي.
د شنبې په ورځ د افغانستان د خوست ولايت په ځاځي میدان، باک، صبریو، تریزیو، قلندر، موسی خېلو او د دریو مرکزي اداري واحدونو د ۲۱۹ ښوونځیو ښوونکو لدې کبله چې دوی ته د یوې لسیزې پرلپسې غوښتنو وروسته هم د کورونو لپاره ځمکې ندي ویشل شوي، ښوونځیو ته د نه تګ اعتصاب کړی او یاد ښوونځي يې تړلي دي.
په خوست کې په لومړي ځل د حیواني ناروغیو یو داسې مجهز کلینک جوړ شو، چې د خپلو وسایلو او امکاناتو پر مټ د چرګانو او څارویو ډيری ناروغی او مرضونه تشخیصولای شي.
نور وښیئ
