نجیب الله الوخېل په خوست کې د مشال راډیو خبریال دی او د خوست، پکتیا، پکتیکا او لوګر پر حالاتو رپورټونه جوړوي.
د سېشنبې پر ورځ د خوست قومي مشرانو او اوسیدونکو په یوه غونډه کې افغان امنیتي ځواکونه له دې کبله وستایل، چې په لږو امکاناتو يې د نظام او د خلکو د سوله ييز ژوندانه څخه ساتنه کړې او په دې جګړه ییزو حالاتو کې يې د ولس ملاتړ خپل کړی دی.
په خوست کې په مډرنه او پرمختللې ټکنالوژۍ سمبال یو داسې خصوصي روغتون جوړ شو، چې د همدې نوې طبي ټکنالوژۍ پر مټ به، په کې ډېر پرمختللي معاینات ترسره کیږي.
د پکتیکا ولایت چارواکي وايي، چې د یاد ولایت د جاني خېلو ولسوالۍ په بیلابیلو کلیو کې د ملي پیوستون د پروګرام له لارې دېرش کلیوالي پروژې چې کارونه يې خواوشا یو کال وړاندې پیل شوي ول بشپړې شوې دي.
د پنجشنبې په ورځ د خوست یو شمېر مدني فعالانو، قومي مخورو، دیني عالمانو او ځوانانو په یوه ناسته کې د افغانستان د خپلواکۍ لپاره د افغانستان د پخواني پاچا شاه امان الله خان سرښندنې او د افغانانو د ترقۍ او هوساینې لپاره د نوموړي ځوان پاچا مترقي پلانونه وستایل.
د افغانستان د ډیری ښارونو د پراخیتا لپاره د منظمو پلانونو نه شتون د دې لامل شوی چې په دې هېواد کې ښارونه په منظم ډول انکشاف ونکړي او غیر معیاري پرمختیا بیا ښاریانو او د سوداګري د پرمختګ په مخکې ستونزې جوړې کړي.
د خوست د عامې روغتیا ریاست چارواکي وايي، چې د نري رنځ په ناروغۍ د اخته کسانو د راجلبولو له لارې توانیدلي چې روغو کسانو ته د دې ناروغۍ خپریدل او سرایت کنټرول کړي.
د پکتیکا ولایت که څه هم د پوهنې په ډګر کې له وروسته پاتې ولایتونو څخه شمېرل کیږي او لږو کسانو په کې لوړې زده کړې کړي، خو د هر کال په تیریدو سره يې د ښوونځیو څخه د فارغانو په شمېر کې ډېروالۍ راځي او د لوړو زده کړو مینه وال په کې زیاتیږي.
د خوست د هوايي ډګر د پروژې د کار له دریدو خواوشا څلور کاله تیریږي، خو تر اوسه يې دوباره کارونه نه دي پیل شوي.
د چارشنبې پر ورځ د خوست د ولایتي شورا غړو په یوه خبري ناسته کې وویل، چې په خوست ښار کې د ملي دفاع وزارت ملکیتونو د ډېریو پرمختیايي پروژو مخه نیولې او حتی د دوی مزاحمت د میلیونونو ډالرو په ارزښت د ځنو منظور شویو پروژو د ختمیدو سبب شوي دي.
د خوست ښاریانو چې د ښار د سړکونو، پلچکونو او پیاده رونو له خراب حالت شکایت کاوه او د ترمیم پرله پسې غوښتنه يې کوله، بالاخره د خوست ښاروالۍ له خوا د یاد ښار د سړکونو د یوې برخې د ترمیم او رغونې چارې پیل شوې.
د چارشنبې پر ورځ د پکتیکا لسګونو ځوانانو او د یو شمېر هغو مدني بنسټونو فعالانو چې په ځانګړي ډول د ځوانانو په برخه کې په فعالیت بوخت دي، د یوې غونډې په ترڅ کې هوډ وکړ، چې په خپلو کې به یووالۍ ساتي او په ټول توان به د خلکو د سیاسي شعور د وېښتابه
خوست ښار چې د پنځوس کاله پخوا نقشې له مخې اباد شوی او د هرې ورځې په تيریدو سره پراخیږي، تنګه او محدوده ساحه
د پنجشنبې په ورځ د خوست حکومتي مامورینو، قومي مشرانو، مدني فعالانو او ځايي خلکو د یوې ناستې له لارې د ټاپي پروژې د کار پیلیدل د افغانستان د اقتصادي، سیاسي او امنیتي ټیکاو له پاره ګټور وبلل.
خوستیانو وویل، د [بې دفاع وطندارانو،ښځو، سړیانو او ماشومانو] وژنه او یا د جګړې پر مهال له دوی څخه د ډال په توګه کار اخیستل له اسلامي او انساني ارزښتونو سره په ټکر کې دي
د خوست یو شمېر ځوانان غواړي د خلکو د فکري بدلون له پاره کار وکړي، د دوی له انده خلک باید په کلیوالي او اطرافي ژوندانه کې د ځنو منفي دودونو له اغېز او د مناسباتو له وړې دایرې راووځي او د پرمختللي او هوسا ژوندانه په فکر کې شي.
د بشري حقونو فعالان وايي، چې په افغانستان کې د ټولنې د یو شمېر نورو بې وزله وګړو په شان معلولین، معیوبین او د جګړو د قربانیانو د کورنیو غړي هم په ژوندانه کې له بیلابیلو کړاونو او ستونزو سره لاس او ګریوان دي.
د خوست مدني فعالان او رضا کارانو نن دغلته د اطلاعات او کلتور په رياست کې د رضاکارانو نړيواله ورځ ولمانځله. دوی وايي چې له پخوا څخه رضا کاره کارونه په پښتنو کې دود دي او له دې لارې د ډېر کارونه په لږ لګښت کيدلی او د خلکو تر منځ مينه زياتيدلی شي.
که څه هم په خوست کې لسګونه بارګینونه یا موټر پلورنځي شته، چې هره ورځ په کې د موټر ګڼې سوداوې کیږي، خو تر څنګ يې د خوست د متون په خوړ کې هم د هرې جمعې په ورځ له سهاره تر مازدیګره د موټرو د خرڅولو، رانیولو او بدلولو لویه میله جوړیږي.
د خوست دیني عالمان، قومي مشران او مدني فعالان وايي، چې په تېره یوه نیمه لسیزه کې د افغان حکومت له خوا د یاد ولایت سره د مور او میرې سلوک شوی او د خلکو غوښتنو او اړتیاوو ته پاملرنه نه ده شوې.
نور وښیئ
