پامیر ساحل

پاکستان کې ((ډېر زیات ترهګر سازمانونه)) پټنځایونه لري: ټېلرسن

د امریکا د بهرنیو چارو وزیر رېکس ټېلرسن په نوي ډيلي کې ویلي، امریکا او سیمه ییز ملګري یې د پاکستان په اړه اندېښنه لري ځکه چې هلته ترهګرې ډلې پټنځایونه لري. نوموړي د اکتوبر پر ۲۵مه له خپلې هندۍ سیالې سوشما سوراج سره خبري غونډې ته وینا کړې چې په اړه یې د رویټرز اژانس ویډیو وګورئ.

د امریکا د بهرنیو چارو وزیر په ناڅاپي سفر کابل ته تللی

په کابل کې د امریکا سفارت وايي، د دوشنبې پر ورځ د امریکا د بهرنیو چارو وزیر رېکس ټېلرسن له افغان ولسمشر اشرف غني سره ولیدل او ((په ګډه یې په افغانستان کې د سولې، ټېکاو او اوږدمهاله سوکالۍ ته د رسېدو لپاره)) د امریکا او افغان حکومت پر ژمنو ټینګار وکړ.

ایران د اټومي توافق پر روحیې نه دی ولاړ: ټرمپ

دا خبره نوموړي د اکتوبر د پینځمې پر شپې تر هغې وروسته کړې چې رسنیو وویل، هغه د ۲۰۱۵ز کال د مهم توافق تصدیقنامه ښايي ختمه کړي. ټرمپ په سپینه ماڼۍ کې له پوځي مشرانو سره د لیدو پر وخت وویل، دوی ((باید ایران د اټومي وسلو تر لاسه کولو ته پرېنږدي.))

“پر ګلګتي خبریال دې د ترهګرۍ لګېدلي تورونه ختم شي”

د خبریالانو د ساتنې سازمان پر پاکستانیو چارواکو غږ کړی دی چې د ګلګت – بلتستان د خبریال شبیر سهام پر ضد دې د ترهګرۍ مخنیوي د قانون پر اساس مقدمه نه کوي او پر هغه لګولي تورونه دې ختم کړي.

طالبان په زور واک ته نشي رسېدای: میټېس

د امریکا د دفاع وزیر ویلي، د افغانستان او جنوبي اسیا لپاره د ولسمشر ډونلډ ټرمپ د نوې ستراتیژۍ موخه دا ده چې جنوبي اسیا د نړیوالو ترهګرو بریدونو ته و نه کارول شي. جېمز میټېس د سې شنبې (نهې) پر ماښام د امریکا د کانګرس یوې کمېټۍ ته په وینا کې وویل، له طالبانو سره یوازینۍ لار د تاوتریخوالي پرېښودل دي.

سعودي د روهنجایانو د وژنو پر ضد سخت غبرګون ولې نه ښيي؟

اسوشي اېټډ پرېس اژانس لیکي، په تېرو لسیزو کې چې د میانمار روهنجا مسلمانان له ځورونې او وژنو تښتېدل نو لسګونه زرو یې په سعودي عرب کې پناه واخیسته. خو دا ځل په هغه هېواد کې د روهنجا مسلمانانو د وژنو په اړه د اسلامي هېوادونو غبرګون زیات قوي نه دی.

برما: د تاوتریخوالي له کبله روهنجا او بودایان دواړه کډوال شوي

د برما په شمال لویديځ کې د راکین ایالت له څو کلونو راهیسې د روهنجا او بودایانو د تاوتریخوالي مرکز دی خو د اګست په اخري اوونۍ کې پکې شاوخوا ۴۰۰ کسان ووژل شول چې دا په لسیزو کې تر ټولو خونړی تاوتریخوالی دی.

د ((ښه او بد ترهګر)) فرق تر ختمېدو به ناامنۍ وي: خټک

د ((مشال مرکه)) په ځانګړې خپرونه کې مو د عوامي نیشنل ګوند یو مشر، پخواني سېنېټر او د سیمه ییزو چارو پوه افراسیاب خټک مېلمه دی. له ده سره مو د پاکستان پر سیاست، د پښتونخوا او قبایلو پر حالاتو او د افغانستان او سیمې پر امنیت خبرې کړې دي چې تاسې یې په ویډیو کې لیدلای شئ.

سپینې ماڼۍ د اېف بي ای پخواني مشر تورونه رد کړل

له قانون سره سم، دا اړینه نه ده چې د اېف بي ای د مشر له دندې څخه د لرې کولو دلیل یا وجه دې ورکړل شي خو د ټرمپ ادارې نه یوازې زه، بلکې په تېره اېف بي ای یې بدنامه کړه او داسې یې وویل چې په اېف بي ای کې ګډوډي وه، مشري یې سمه نه کېده او دا چې کارکوونکو یې پر خپل مشر باور بایللی وو. که په سپینه او ساده ژبه وویل شي، دا هر څه درواغ ول.

د مې ۲۹مې ویډیويي خبرونه

د مې ۱۵مې ویډیويي خبرونه

د مې لومړۍ ویډیويي خبرونه

د اپرېل ۳۰مې ویډیويي خبرونه

د اپرېل ۲۳مې ویډیويي خبرونه

د م.م امنیت شورا د شمالي کوریا وسلو ازموینې وغندلې

امریکا د دې بیان متن تیار کړی وو خو روسیې وویل چې په دې کې دې د ((خبرو اترو له لارې)) د سوله ییز هواري ذکر وشي چې پکې ورشامل کړل شو. په عین وخت کې د روسیې د لرې ختیځ سیمې

ایران ولسمشرۍ ته د احمدي نژاد نوماندي رد کړه

د ایران ستر مذهبي مشر ایت الله علي خامنه يي پر نوموړي ټینګار کړی وو چې ولسمشرۍ ته دې نه درېږي خو احمدي نژاد تېره اوونۍ د خپلې نوماندۍ له اعلان سره هېواد حیرانه کړ. خامنه يي ویلي، د احمدي نژاد نوماندي به ((یو وېشل شوی حالت)) پیدا کړي چې د ((هېواد لپاره تاواني)) دی.

په پاریس کې وسله وال برید، یو پولیس وژل شوی دی

فرانسوي څارنوالان وايي، دا معلوموي چې وسله وال چې ظاهراً یوازې یې حمله وکړه او بیا پولیسو وواژه، نور ملګري لري او که نه؟ د کورنیو چارو وزارت ویاند وویل، دا وسله وال د پاریس د ښار پر هغه سړک ووژل شو چې ورباندې ډېر دوکانونه دي چې له کبله یې خلک په بیړه بیړه له سیمې ولاړل.

د اپرېل ۲۰مې ویډیويي خبرونه

د پاکستان هېر وګړي ښايي اوس خپله پېژندګلوي ولري

کالاشیان دعوه کوي چې دوی د سکندر اعظم له نسله دي. دوی د پاکستان په شمال کې اوسي او له پېړیو راهیسې هلته یوازې ژوند تېروي. اوس دوی غواړي چې د یوه بېل توکم او دیني ډلې په توګه خپله پېژندګلوي ولري.

د ترکیې ټولپوښتنې د ټولنې ((وېش لا روښانه کړ))

په ترکیې کې ولسمشر رجب طیب اردغان او انتخاباتي کمېشن د یکشنبې پر ورځ په شوې ټولپوښتنه کې د واکمن انصاف او پرمختیا ګوند بریا اعلان کړې. اپوزیشن د دوشنبې پر ورځ وویل، د ټولپوښتنې نتیجه ننګوي ځکه چې د دوی په اند پکې ټګي شوې.