د امريکا د کانګرېس د بهرنيو چارو کمېټۍ پرون د چارشنبې په ورخ په واشنګټن کې په بلوچستان کې د بشري حقونو د سرغړونو په اړه يوه اورېدنه وکړه چې پکې د بشري حقونو د مبارزينو او سيمه ايزو چارو د کارپوهانو سربېره عام ولس ته هم بلنه ورکړل شوې وه.
د امريکا د کانګرېس د بهرنيو چارو کمېټۍ دا اعلان تېره اونۍ وکړی چې دوی به په بلوچستان کې د روانو حالاتو په اړه يوه ولسي اورېدنه کوي. د دې اورېدني مشري د امريکا په کانګرېس کې ريپبلکن غړی ډینا روهرابیکر وکړه او د عيني شاهدينو په توګه په پاکستان کې د بشري حقونو د څار ادارې مشر علي دايان حسن، د جارج ټاون پوهنتون استادې کرسټین فيېر او د پوځي چارو کارپوه او ليکوال رېليف پيټرز هم ګډون پکې ګډون وکړ.
په دې اورېدنه کې عام ولس ته هم بلنه ورکړل شوې وه چې په بلوچستان کې د روانو حالاتو او په دې صوبه کې د بشري حقونو د سرغړونو په اړه خپل نظر شريک کړي او شواهد وړاندي کړي.
د امريکايي کانګرس له خوا د بلوچستان دروانو ناآرامه حالاتو په اړه د اوريدنې پر مهال د بهرنيوو چارو د کميټۍ مشر ډانا رورا بيکر وويل چې اسلام آباد بلوڅانو ته خپل حقونه نه دي ورکړي او پر هغوی یې خپل زور زياتې ته دوام ورکړی.
رورا بیکر چې د حکومت مخالفه ريپبليکن ګوند غړې دې، وویل د برتانوي سامراج نه د آزادیدو وروسته بلوچانو غوښتل چې ځان ته جدا خپلواکه هېواد جوړ کړي خو پکې بریالي نشو او دهغې راهیسې دوي سره اسلام اباد امتیازي سلوک کوي چې دوی یې د خپلو معدني وسایلو نه د ګټې اخیستلو د حق نه هم محرومه کړي دي.
غونډې ته د حکومتي ډیمو کریټ ګوند غړي ښاغلي شرمن وویل دا وخت یې د هېواد سره د پاکستان تعلقات کړکیچن دي خو دا ډیره مهمه ده چې امریکا په پاکستان کې د حکومت لخوا د ځپل شوي قامونو لکه بلو چانو او سندیانو د حال پوښتنه وکړي..
د مشال تر رڼا لاندي بحث هم دې موضوع ته ځانګړی شوی دی. بلوڅ سياستوال او پخوانی سنيټر ثناء بلوڅ ، د بلوچستان د بشري حقونو پخوانی مشر ظهور احمد شاهواني او په کوټه کې خبريال او څيړونکی شهزاده ذوالفقار مو ميلمانه دي. د بحث لپاره د بلوچستان د کورنيو چارو له سيکټر نصيب الله بازی سره هم ځانګؤې مرکه شوې ده. عبدالحی کاکړ د بحث کوربه توب کوي.
