د پاکستان په لاهور ښار کې د سه شنبې په ورځ د عدالت دباندې د يوې ښځې فرزانه پروين د وژلو پيښه په نړيواله کچه و غندل شوه. پوليس وايې، هغه ځکه ووژل شوه چې د خپلې کورنۍ د خوښې بغير يې واده کړی وو.
دا لومړی ځل نه دی چې په پاکستان کې يوه ښځه د تشدد ښکار کيږې. تر دې وړاندې هم په بيا بيا دا شان پېښې شوې دي.
پوښتنه داده چې آخر د ښځو د خونديتوب په اړه د شته قانون سربيره هم له ښځو سره زور زياتی روان دی. عبدالحي کاکړ په دې اړه د عوامي نېشنل ګوند له يوې مشرې او د قامي اسمبلۍ له پخوانۍ غړې بشری ګوهر سره مرکه کړې ده.
