'جنرل مشرف او عمران خان یوه تګلاره لري'
د پښتونخوا ملي عوامي ګوند مشر محمود خان اڅکزی وايي، چې په پاکستان کې د پارلمان پر ضد د درنو «احتجاجي ناستو» په ترڅ کې پخواني پوځي مشر جنرال پروېز مشرف خپله ویلي ول، چې د عمران خان تحریک انصاف، د طاهر القادري عوامي تحریک او د الطاف حسېن اېم کیو اېم سره همفکره دي. د مشال راډیو په پراګ سټوډيو کې زموږ همکار عبدالحي کاکړ له ښاغلي اڅکزي سره د عمران خان پر درنو او د پښتنو پر سیاسي حالاتو ځانګړې مرکه کړې.