"پر باچاخان پوهنتون ناتار تېر شو، د پاکستان ولسمشر یې تپوس هم نه کوي"
د روانې جنورۍ میاشتې پر ۲۰ مه نېټه د وسله والو له خونړي بریده پس د ګل ورځ د باچا خان پوهنتون بیا پرانستلو پرمهال د دغه پوهنتون وایس چانسلر فضل رحیم مروت له رسنیو سره په خبرو کې وویل، چې دوی خپلو زده کړو ته یوازې او یوازې له خپل کتاب او قلم سره ورځي. د هغه له وینا پس د باچا خان پوهنتون زده کوونکیو په احتجاجي لاریون کې د پاکستان ولسمشر ممنون حسېن او وزیر اعظم نواز شریف وغندلو چې پر دوی دومره لوی ناتار تېر شو او هغوی یې تش تپوس هم و نه کړ. د مشال راډيو خبریال شبیر جان یې ویډيو رالېږلې.