د پېښور د قیمتي کاڼو سوړ بازار
په پېښور کې د قیمتي کاڼو کاروبار کونکي وايي په دې وروستیو کې یې کاروبار سخت خراب شوی دی ځکه چې اوس د افغانستان نه قیمتي کاڼي نه راځي. په پېښور کې دغه کاروبار کونکي وايي پخوا به دوی قیمتي جواهرات بهرنیو هیوادونو ته استول خو په دې وروستیو کې دا کار کم شوی دی او یواځې چینايي پیرودونکي له دوی نه سودا اخلي. د مشال د همکارانو غلام غوث او خالدخان په دې راپور کې اورئ چې پېښور کې د قیمتي کاڼو د کار روزګار سره د زرګونو ځايي خلکو ژوند تړلی دی.