په سوات کې د زدکونکیو په لاس د جوړو شویو توکیو نندارتون
په مینګوره سوات کې زدکونکیو د « ۲۰۱۶ نندارتون » په ترڅ کې پخپله جوړ کړي توکي د خلکو په وړاندې کېښودل. د نمایش تابیا کونکیو مشال راډیو ته وویل له دې نندارتونه یې هدف دا دی چې د زدکونکیو پټ صلاحیتونه خلکو ته ښکاره کړل شي. په یاد نندارتون کې ماډل کورونه، ساینسي اوزار، د موسیقۍ آلې او خوراکي سټالونه جوړ شوي وو چې د نندارچیانو پام یې ځان ته اړولی و. د مشال راډیو خبریال نیاز احمدخان چې دغه نندارتون ته ورغلی و ، دا ویډیويي راپور یې جوړ کړی دی.