د کوټې اتم اګست قربانیان باید تل یاد وساتل شي
په بلوچستان کې قانونپوهان او کارپوهان وايي، د کوټې په لوی روغتون کې د اتم اګست (۲۰۱۶) په ځانمرګي برید کې د وژل شویو وکیلانو، خبریالانو او نورو خلکو قرباني دې نه یوازې تل یاد وساتل شي بلکې د هغوی نیمګړې موخې ته د رسېدو لپاره نورې هلې ځلې کول پکار دي. په کوټه کې پښتو ادبي ټولنې د اتم اګست ناورین کې د وژل شویو قربانیانو لپاره یوه یادغونډه ترسره کړې. په هغه پېښه کې د بلوچستان وکیلانو ټولنې پخواني مشر باز محمد کاکړ په ګډون د ۵۴ قانونپوهانو او دوو خبریالانو په ګډون ۷۴ کسان وژل شوي ول. له کوټې د ایوب ترین ویډيو