لندن: اورلګېدنې ګڼو کسانو ته مرګژوبله واړوله
د بريټانیا په پلازمینه لندن کې د یوې لویې اورلګېدنې په نتیجه کې ګڼ کسان وژل شوي او ټپیان دي. د لندن د اور وژنې ادارې رئیس ډني کټون نن وویل چې اورلګېدنه د لندن ښار په لویدیځه څنډه کې په یوه بلاک کې شوې ده او لاهم له سوځیدلې ودانۍ دود پورته کېږي.کټون وویل، د سوځیدلي بلاک د ساختماني پیچلتیا او لوی والي په سبب د مرګژوبلې دقق شمېر تر اوسه پورې نه دی معلوم.د لندن د امبولانس برخې مخکې ویلي و چې له پېښې پنځوس کسان روغتونو ته د درملنې لپاره انتقال شوي دي.