د یاد کمېشن ویاند ندیم قاسم د سه شنبې په ماښام مشال راډیو ته وویل چې زیاتره ګوندونو د هغو نښو غوښتنه کړې ده چې وار له مخه د هغوي وو.
ده وویل، “موږ ته د ۸۷ ګوندونو له خوا درخواستونه راغلي وو. په دوي کې ۷۱ ګوندونو د هغو انتخابي نښو غوښتنه کړې چې وار له مخه د دوي وو او بل ګوند یې غوښتنه نده کړې. خو ۱۶ ګوندونو د داسې نښو غوښتنه کړې دوه چې د نوور له خوا یې هم غوښتنه شوې وه.”
د ده په وینا ، د سه شنبې په ورځ الیکشن کمېشن د هم دې شپاړس ګوندونو د نښو مسله هواره کړه او هغوی ته یې نښې ورکړې.
ندیم قاسم وویل ، د پپلز ګوند په اړه یو خبره ښايي د خلکو په ذهنونو کې مبهمه وي ځکه چې پپلز پارټۍ درې دي.
نوموړي وویل، “یوه خبره به زه روښانه کړم هغه دا چې د انتخاباتو له کمېشن سره درې ګوندونه رجسټرډ دي. یو پاکستان پپلز ګوند پارلمنټېرین دی ، بل پاکستان پپلز ګوند ورکر دی او بل پاکستان پپلز کوند.”
هغه وویل چې اوس پاکستان پپلز ګوند پارلمنټېرین ته د تير نښه ورکړل شوې ، پاکستان پپلز ګوند ورکر ته د فتحې نښه ورکړل شوې او پاکستان پپلز ګوند ته د تورې نښه ورکړل شوې ده.
دا په داسې حال کې ده چې په پاکستان کې د اوسني مرکزي او صوبايي حکومتونو رسمي موده د مې پر ۳۱مه پای ته رسېږي او ټاکل شوې ده چې د جولايي پر ۲۵مه به په ملک کې د قومي او صوبايي اسمبلیو لپاره عام انتخابات تر سره شي.
