د پي ټي اېم او پښتونخوا معپ بندیان له اډیالې زندانه خوشې شول
د اسلام اباد پولیسو د جون ۲۱مې نېټې پر ماخوستن د پښتون ژغورنې غورځنګ او پښتونخوا ملي عوامي ګوند غړي او ملاتړي د راولپېنډۍ له اډیالې زندانه خوشې کړل. دوی د جون په څلورمه په اسلام اباد کې هله ونیول شول چې په شمالي وزیرستان کې د یوه انتظامي افسر هدفي وژنې او بیا د جنوبي وزیرستان په واڼه کې د پښتون تحفظ غورځنګ د یوه مخکښ علي وزیر هرکلي ته پر ورغلیو کسانو د تشدد او تاوتریخوالي په غبرګون کې د غورځنګ مشر منظور پښتین د احتجاجونو اعلان کړی وو. د مشال راډيو ویډيو چې هدایت سلطاني ترتیبي بڼه ورکړې