د پاکستان د قامي اسمبلۍ نویو غړو سوګند وکړ
د پاکستان د قامي اسمبلۍ نویو غړو د اګست پر ۱۳مه لوړه وکړه. په دې منتخبو کسانو کې د جنوبي وزیرستان علي وزیر هم شامل دی چې وايي، د پښتنو د حق خبره به کوي. د متحده مجلس عمل مفتي عبدالشکور وايي، په پارلېمان کې به هم د انتخاباتي درغلیو ضد هلې ځلې کوي. انتخاباتي کمېشن وايي، د جولای پر ۲۵مه ټاکنې رڼې او منصفانه وې. د خیبر پښتونخوا پخوانی اعلا وزیر پروېز خټک وايي، په قامي اسمبلۍ کې به د پاکستان د اقتصادي پرمختیا هڅې کوي. ویډيو وګورئ.