د افغانستان په ګډون د ۷۷ هېوادونو لوبغاړي د کوچیانو په نړیوالو سیالیو کې
په قرغېزستان کې د کوچیانو نړیوالو سیالیو د پرانیستې په مراسمو کې شاوخوا ۱۵۰۰ کسانو خپل هنر وښود. د سېپټېمبر پر دویمه په چوپلون اتا سیمه کې ولسمشر سورنبای جینبېکوف د بهرنیو هېوادونو د مشرانو کوربه وو. منتظمین وايي، د دې لوبو او سیالیو موخه د کوچیانو د تمدنونو د کلتور خوندي ساتل دي. د افغانستان په ګډون، له ۷۷ هېوادونو څخه شاوخوا ۳۰۰۰ لوبغاړي په سیالیو کې برخه اخلي. د قرغېز ولسمشر له دفتره خپره شوې ویډیو وګورئ.