په کوټه کې پولیسو د ماشوم پر ضد پرچه دایره کړې
د کوټې اوسېدونکی علاو الدین اڅکزی وايي، پولیسو یې د ماشوم زوی پر ضد پرچه (اېف ای ار) لیکلی او درې ځلې یې د هغه د نیولو لپاره پر کور چاپه وهلې. دی وايي، زوی یې بلال نومېږي او اوس مهال دوه نیم کلن دی. د اڅکزي په خبره، زوی یې د ۱۵ میاشتو وو چې پولیس یې د نیولو لپاره ورغلل او تور یې پورې کړ چې بلال ورباندې ډزې کړې دي. د کوټې پولیس وايي، د پېښې پلټنې کوي. ویډیويي رپورټ وګورئ.