هند او امریکا له پاکستانه غوښتي چې د وسله والو ضد اقدام وکړي
هند او امریکا پر پاکستان غږ کړی چې پر خپله خاوره د ترهګرو ډلو ملاتړ ودروي او پر ضد یې اقدامات وکړي. دواړو هېوادونو دا غوښتنه تر هغې څو ساعته وروسته کړې چې د فبرورۍ پر ۱۴مه، یوه ځانمرګي برید ګر د هند تر واک لاندې کشمیر کې له چوونکو موادو ډک ګاډی د سرتېرو له قافلې سره وجنګاوه چې پکې ۴۴ سرتېري ووژل شول. وسله والې ډلې جیش محمد د حملې ذمه واري منلې. پاکستان په حمله کې د ککړتیا تور رد کړی. شنونکي وايي، دا حمله ښايي د اسلام اباد او نوي دلي ترمنځ ستونزې لا زیاتې کړي. په اړه یې د رویټرز خبري اژانس ویډیويي رپورټ وګورئ.