د افغانستان خوندیتوب د نړیوالې ټولنې ذمه داري ده: محمود خان اڅکزی
د پښتونخوا ملي عوامي پارټۍ مشر محمود خان اڅکزي پر نړیوالې ټولنې او امریکا غږ وکړ چې تر هغو دې د افغانستان خوندي ساتلو مسولیت پر غاړه واخلي چې د دغه هېواد ملي ادارې، ملي پوځ او بنیادي ډانچې پر پښو نه وي درېدلې. نوموړي دا څرګندونې د افغان سولې مذاکراتو په باب د مشال راډيو له همکار قاسم خان مندوخېل سره په یوه ځانګړې مرکه کې کولې.