پراګ: د پښتون ژغورنې غورځنګ د واڼه یو مخکښ او د پښتونخوا ملي عوامي ګوند غړی سردار عارف وزیر سره له دوو نورو ملګرو د ډېره اسماعیل خان له زندانه خوشي شوي دي.
سردار عارف وزیر د اپرېل پر ۲۴مه تر خوشي کېدو وروسته مشال راډیو ته وویل ، موږ یې پر سوله ییز احتجاج نیولي وو او هغه احتجاج به موږ بیا هم کوو.
سردار عارف وزیر وویل ، دوي د خوشي کېدو په بدل کې هیڅ شرط نه دی منلی.
د حکومت له اړخه په دې اړه څه نه دي ویل شوي چې هغوي یې څه ډول خوشي کړي دي.
د مشال راډیو بوریوال کاکړ له ده سره مرکه کړې او په پیل کې یې ورڅخه پوښتلې چې دوي پر څه نیول شوي وو.
