پېښور: د قبایلي ضلعو مشرانو د خپلو حقونو لپاره جرګه وکړه
د جنوري پر ۱۱مه د پېښور په نشتر هال کې ((د فاټا تر انضمام وروسته حالت باندې د قبايلو د حقونو قامي جرګه)) وشوه. په جرګه کې د قبایلي سیمو مدني فعالانو، سیاستوالو او ځوانانو د یو قرارداد له لارې ۱۲ نکاتي اېجنډا منظوره کړه. په دغه غوښتنو کې په قبايلی سیمو کي د بیا سرشمېرني، د قبايلي ضلعو د معدنیاتو قانون ته د بیاکتنې، په سيپېک پروژه کې قبايلي ضلعو ته د برخې ورکولو او په قبايلي ضلعو کې پر ډیورڼد کرښه د ولسونو د تګ راتګ لپاره ولس ته د اسانتیا ورکولو غوښتنې شامل دي. نور تفصیل له پېښوره د غلام غوث په ویډیويي راپور کې.
د فېسبوک تبصرې