د مې پر پنځمه مازدیګر د خوست په ګلان کېمپ کې مېشتو سلګونه وزیرستانیو او ځايي خلکو د پښتون ژغورنې غورځنګ د مخکښ سردار عارف وزیر د وژنې خلاف لاریون وکړ. د لاریون ګډونوالو له نړیوالو سازمانو او د بشري حقونو له بنسټونو وغوښتل، چې د سردار عارف وزیر د وژنې دې پوښتنه وکړي او د دې پېښې عاملینو ته دې سزاء ورکړل شي. دوی ګواښ وکړ، کچیرې غږ يې وانوریدل شي، نو په پراخو مدني حرکتونو به لاس پورې کړي.
