د کورمې د مرغې چینې لانجه څنګه هوارېدای شي؟
د کورمې په مرغې چینه کې د جون ۲۷مې شپې مهال د ابراهیمزیو او بالشخېلو سیمو خلکو او د پاړه څمکنیو قبیلې ترمنځ نښته وشوه چې لامل یې د ځمکې پخوانۍ لانجه ده. په سیمه کې تر پېنځه ورځې جګړو وروسته امنیتي سرتېري په مورچو کې ځای پر ځای شول او اوسمهال هلته اوربند دی. په کورمه کې د مرغې چینې علاوه په نورو سیمو کې هم د قبیلو ترمنځ د ځمکو پر سر لانجې او شخړې موجودې دي. د دې لانجو لاملونه څه دي او د مرغې چینې مسله څنګه هوارېدای شي؟ ځواب یې په دې رپورټ کې.
