عثمان کاکړ په مسلم باغ کې خاورو ته وسپارل شو
د پښتونخوا ملي عوامي ګوند د صوبايي مشر او پخواني سېنېټر عثمان کاکړ مړی د جون پر ۲۳مه په خپل پلرني ټاټوبي مسلم باغ کې خاورو ته وسپارل شو. د نوموړي جنازې ته د یوشمېر ګوندونو مخکښو سیاستوالانو په ګډون ګڼ خلک ورغلي ول. عثمان کاکړ د جون پر ۲۱مه د کراچۍ په روغتون کې ومړ. نوموړی د جون پر ۱۷مه په خپل کور کې ژوبل او بېهوښه موندل شوی وو چې تر هغې وروسته یې په کوټه کې ډاکترانو د سر جراحي وکړه. د کاکړ کورنۍ وايي، پر هغه برید شوی وو. تر دې مخکې رپورټونه ول چې نوموړی په کور کې پرېوتی او ژوبل شوی وو. د بلوچستان حکومت د کاکړ مړینه طبعي بولي خو د پوسټ مارټم رپورټ یې لا نه دی خپور شوی. ویډیويي رپورټ.
د فېسبوک تبصرې