افغان روباټ جوړوونکې نجونې له هېواده ووتلې
په افغانستان کې د طالبانو له کنټرول وروسته زیاتره افغان نجونې او مېرمنې د خپل راتلونکي او په خاصه توګه د زده کړو په اړه اندېښنې لري، خو یوه امریکايي مېرمن " اېلیسن رینو" وايي دا نجونې ورته د خپلو لوڼو په څېر ښکاري. نوموړې وايي کله چې د افغانستان له حالاتو خبره شوه نو د دوی په اړه سخته اندېښمنه شوه. د روباټ ملي ټيم دغه ۱۰ نجونې د مېرمن رینو په مرسته له هېواده په وتلو کې بریالۍ شوې خو اوس هم د روباټ جوړوونکي افغان ملي ټیم لږ تر لږه ۲۵ نورې نجونې په افغانستان کې پاتې دي چې له دې هېواده د ویستلو لپاره یې د رینو هڅې دوام لري. په دې اړه د مشال راډیو مرکزي څانګې ويډيويي راپور
د فېسبوک تبصرې