په مزارشریف کې چاودنه؛ د مړو شمیر مخ په ډیریدو دی
د مزارشریف پر جومات په برید کې ګڼو کسانو ته مرګ ژوبله اوښتې
په بلخ ولایت کې د طالبانو چارواکي وايي، په مزارشریف ښار کې د شیعه ګانو په یوه جومات کې د چاودنې له امله ۲۵ تنه وژل شوي دي. تر دې مخکې په مزارشریف کې د ابو علي سینا روغتون یوه چارواکي مشال راډیو ته ویلي ول چې د اپرېل پر ۲۱مه په چاودنه کې لږترلږه ۱۲ کسان وژل شوي دي. داعش ډلې پر جومات د برید ذمه واري منلې. د دې ویډیو ځینې برخې ښايي ځینو لپاره ځوروونکې وي.