د چين په شينجيانګ کې د "اسماني اسونو" د ځغل سيالۍ شوې
که څه هم د چین په شينجيانګ (سینکیانګ) صوبه کې د حکومت له خوا د یوغور (اویغور) مسلمانانو د ځورونو راپورونه ورکول کېږي او هغه خلک له یو شمېر مذهبي بنديزونو سره مخامخ دي، خو د ځينو کلتوري هلو ځلو اجازه لري چې يوه يې د "اسماني اسونو" د ځغاستې دوديزې سیالۍ دي. دا سیالۍ له خوا و شا ۲،۰۰۰ کلونو راهیسې دوام لري چې دا ځل څه باندې ۱۰،۰۰۰ اسونو برخه پکې اخيستې وه.