شمالي وزیرستان کې د هدفي وژنو ضد پرلت روان دی
د شمالي وزیرستان په ایدک سیمه کې له څه د پاسه یوې اوونۍ راهیسې پرلت دوام لري. پرلتوال وايي، حکومت دې د جولای پر ۱۴مه د جمعیت علمای اسلام (ف) د دوو سیاستوالانو او دیني عالمانو تر څنګ په ټولو هدفي وژنو کې ککړ کسان معلوم کړي او د سیمې امنیت دې باوري کړي. دا په داسې حال کې ده چې د جولای له ۲۴مې راهیسې په هدفي حملو کې شپږ کسان وژل شوي. سږ کال په هغه قبایلي ضلع کې ټول ۳۸ هدفي بریدونه شوي. په عین حال کې پوځ ویلي دي چې د شمالي وزیرستان په دوو برخو کې یې په عملیاتو کې درې وسله وال وژلي او درې یې نیولي دي. انتظامیه او امنیتي ځواکونه وايي، د ضلعې امنیت ته ژمن دي او عملیاتو ته یې دوام ورکړی. ویډیويي رپورټ.