د قرغیزستان خلک د اسپو شړومبې د صحت لپاره ګټورې بولي
د قرغیزستان چويي ولایت چې د قدرتي ښکلا لپاره هم ډیره مشهوره ده، خلک یې غواړي چې د اسپو د پیو او شومبلو څښلو لپاره له هېواد دننه او بهر سېلانیان ورتګ ته وهڅوي. دوی وايي چې د اسپو شړومبې (شوملې، تروې) د ناروغیو پر ضد د انسان د بدن مدافعتي نظام تقویه کوي. په افغانستان او پاکستان کې عموماً خلک د اسپو پۍ یا شیدې نه څښي او غوښه یې نه خوري خو د اسلام له نظره دا حلال دي او د منځنۍ اېشیا د هېوادونو مسلمانان یې ډېر خوښوي.