د هرات کارخانې کارکوونکې ولې اندېښمنې شوې دي؟
د افغانستان په هرات ولایت کې له وړۍ او مالوچو د تار په کارخانه کې یوشمېر ښځې کار کوي. دوی وايي، پر ښځو د طالبانو د حکومت محدودیتونو له کبله یې ژوند اغېزمن شوی دی او مالي مشکلات یې زیات شوي دي. دوی وايي، همدا لامل دی چې په کارخانه کې کار کوي. خو دوی اندېښمنې دي چې ښايي طالبان یې هلته هم له کاره منع کړي. د اسوشيېټېډ پرېس او رویټرز اژانس له ویډیوګانو جوړ رپورټ.
