د اسراييلو حکومت د غزې ۱،۱ ميليون اوسېدونکو ته د سيمې پرېښودو ويلي
د اسراییلو حکومت د اکتوبر پر ۱۳مه د غزې تړانګې په شمالي برخو کې تر يو ميليون زیاتو ولسي خلکو ته ویلي چې په راروانو ۲۴ ساعتونو کې دې له هغې سیمې ووځي. دا په داسې حال کې ده چې اسراییلي پوځيان په غزه کې د حماس ډلې د وسلوالو خلاف د ممکنه ځمکنیو عملیاتو لپاره تیاری نیسي. د اکتوبر له اوومې د اسراييلو او حماس ترمينځ روانې جګړې پر مهال دواړو خواوو ته سلګونه کسان وژل شوي دي.
