اسلام اباد های کورټ او احتساب عدالت په ۳ مقدمو کې د نواز شريف ضمانت منظور کړ
اسلام اباد های کورټ په ایونفیلډ اپارټمېنټس او العزیزیه سټيل ملز مقدمو کې د پاکستان د پخواني وزيراعظم نواز شريف ضمانت د اکتوبر تر ۲۶مې منظور کړی دی. بل خوا د توشه خانې په مقدمه کې احتساب عدالت هم د نوموړي ضمانت منظور کړ او د هغې مقدمې اورېدنه یې د نومبر تر ۲۰مې وځنډوله. نواز شريف د اکتوبر پر ۲۴مه په اسلام اباد کې دواړو عدالتونو ته حاضر شو.