جنوبي کوریا کې په یخو اوبو کې په لاسونو د ماهیانو نیولو سیالي شوې ده
د جنوبي کوریا په یوه غرییزه سیمه کې یوه مېله روانه ده چې پکې په سختو یخو اوبو کې په لاسونو د ټراوټ ماهیانو نیولو سیالي هم شوې ده. خلک ماهیان نیسي او بیا یې په خپل قمیص کې جمع کوي. ځینو یې بیا کنګل سیند سوری کړی او کبان نیسي. د مېلې ګډونوال وروسته نیولي ماهیان پخوي او خوري یې. د اسوشيېټېډ پرېس اژانس له ویډیو جوړ رپورټ.