له پاکستانه ایستل شوي افغان کډوال له لوږې سره مخامخ دي
د ملګرو ملتونو ادارې وايي چې اوسمهال په افغانستان کې لکونه وګړي له سختې یخنۍ او لوږې سره مخامخ دي. په هغو کې یې زیاتره هغه کسان دي چې د ۲۰۲۳ز کال د نومبر له لومړۍ نېټې راهیسې له پاکستانه ایستل شوي دي. اسلام اباد وايي چې د بې اسناده بهرنیانو، چې لوی اکثریت یې افغانان دي، ایستل یې د ملي امنیت په ګټه دي. نړیوالې مرستندویه ادارې وايي، د پیسو کموالي له وجې ټولو اړمنو ته مرسته نه شي رسولای. د اې اېف پي له ویډیوګانو جوړ رپورټ.
