په بوسنیا کې کلنۍ نړیواله فولکلوري مېله شوې ده
د بوسنیا هرڅوګووینا په پلازمېنه سرایېوو کې په هر اوړي کې دودیزه مېله کېږي چې پکې سږ کال له ګاونډیو هېوادونو څخه ورغلیو شاوخوا ۵۰۰ هنرمندانو برخه واخیسته او د ښار په لارو او کوڅو کې یې لاریون وکړ. د بوسنیایانو فرهنګ او جامې ترکانو ته ورته دي او په مېله کې هم هنرمندانو کلتوري کالي اغوستي ول. د مېلې لیدو لپاره ګڼ ځايي خلک او سیلانیان په کوڅو کې ولاړ ول. بوسنیا پخوا د عثماني سلطنت برخه وه او په پلازمېنه سرایېوو کې اوس هم د مسلمانانو ترڅنګ مسیحیان (عیسویان) او یهودان ګډ ژوند کوي. د اسوشيېټېډ پرېس له ویډیو جوړ رپورټ.