پېښور او کراچۍ کې د بیزو تڼاکو یا اېم پاکس ناروغۍ مخنیوي لپاره اقدامات کېږي
د خیبر پښتونخوا او سیند حکومتونه د بیزو تڼاکو (اېم پاکس) ناروغۍ د مخنیوي لپاره اقدامات کوي. چارواکو د منکيپاکس وایرس مشکوکو ناروغانو لپاره د پېښور په پولیس لاینز او لېډي رېډنګ روغتونونو کې څانګې ځانګړې کړې دي او پر باچا خان هوايي ډګر یې حفاظتي اقدامات کړي دي. دا په داسې حال کې ده چې د پاکستان حکومت د اګست پر ۱۷مه وویل چې د خیبر پښتونخوا یو اوسېدونکي په هغه ناروغۍ اخته شوی دی. نور د رویټرز او اې اېف پي له ویډیوګانو په جوړ رپورټ.