د سیند او بلوچستان په ساحلي سیمو کې د توپاني باران خبرداری ورکړل شوی دی
د پاکستان موسمياتي محکمې د بلوچستان په ساحلي علاقو کې د توپان او د سيند صوبې کراچۍ په ګډون نورو برخو کې د سختو بارانونو خبرداري ورکړي دي. د موسمیاتو محکمې مشر سردار سرفراز د اګست پر ۳۰مه ناوخته مشال راډيو ته وويل چې له کراچۍ ۱۷۰ کلوميټره لرې سمندري توپان جوړ شوی دی او د جنوب ختيځ پر لور دی. د دوي په وينا له دې سره په کراچۍ کې روان بارانونه به نور تيز شي خو توپان د بلوچستان او عمان اړخ ته دی او په هغو سيمو کې د زياتو بارانونو امکان دی. د رویټرز اژانس له ویډیو جوړ رپورټ