د خیبر پښتونخوا د ځوانو ډاکترانو سازمان وايي ۶۰۰۰ ډاکتران يې بې روزګاره دي
د خیبر پښتونخوا د ځوانو ډاکترانو سازمان له حکومته غوښتي دي چې په هغه صوبه کې دې شاوخوا ۶۰۰۰بې روزګاره ډاکترانو ته دندې ورکړي. د سازمان مشرانو او غړو د سېپټېمبر پر ۱۹مه په پېښور کې د صوبايي اسمبلۍ ودانۍ مخې ته مظاهره وکړه او تر څو ساعتونو پورې یې د ښار خیبر سړک هم د ګاډو پر مخ تړلی وو. ډاکترانو خپل احتجاج د عامې روغتیا صوبايي وزیر په مشرۍ له حکومتي پلاوي سره تر لیدو وروسته ختم کړ. ويډيو رپورټ