د اسراییلو حملو د لبنان اوسېدونکي اندېښمن کړي دي
د لبنان د روغتیا وزارت وايي، اسراییلو د اکتوبر پر درېیمه تر نیمې شپې وروسته د پلازمېنې بیروت پر یو اپارتمان برید کړی دی چې پکې شپږ تنه وژل شوي دي. اسراییل په لبنان کې د حزب الله پر ضد د ځمکنیو حملو په لټه کې دی. امریکا هغه ګوند ترهګر بولي او اروپايي ټولنې یې یوازې پر پوځي څانګې بنديز لګولی دی. اخوا اسراییلو ویلي دي چې د لبنان په جنوب کې یې اته سرتېري وژل شوي دي. د لبنان اوسېدونکي وايي د اسراییلو حملو اندېښمن کړي دي. د رویټرز اژانس له ویډیوګانو جوړ رپورټ.