جنوبي کوريا کې جنګېدونکي او استخباراتي معلومات لېږدوونکي روباټونه جوړ شوي
د جنوبي کوريا د وسلو کارخانو کې داسې پوځي روباټونه جوړ شوي چې نه یوازې د انسانانو په څير جنګ کولی شي بلکې په چټکۍ سره استخباراتي معلومات هم د قوماندې مرکز ته لېږدوي. څېړونکي وايي په راتلونکې کې ښايي د پوځيانو پر ځای دا روباټونه په جګړو کې وکارول شي او په دې توګه د انسانانو مرګژوبله کمه کړل شي. پر دې سربیره، په جنوبي کوریا کې په دوديزو وسلو کې هم د مصنوعي ځیرکتيا ټېکنالوژي کارول کېږي چې له امله یې د ټانکونو، ميزايلو او الوتکو وړتيا څو چنده زیاتوي. د فرانس پرېس خبري اژانس له ويډيو جوړ راپور