د خیبر لویې جرګې ته ګڼې ښځې او فعالانې هم ورغلې دي
د خیبر ضلعې د جمرود په رېګي للمه کې د پښتون ژغورنې غورځنګ (پي ټي اېم) په کوربه توب د "پښتنو قامي عدالت" په نوم لویې جرګې ته د پاکستان له پښتون مېشته سیمو څخه ګڼې ښځې او فعالانې هم ورغلې دي. فعالانې وايي چې دا خورا مثبته خبره ده چې ښځې هم په هغه درې ورځنۍ جرګه کې ونډه لري او د خپلې راتلونکې په اړه پرېکړه کوي. موږ د جرګې له یوشمېر ګډونوالو سره د خبرو پر اساس دا ویډیو جوړه کړې ده.