هند کې د یمنا سیند ککړتیا مذهبي مراسم اغېزمن کړي
که څه هم د نوي ډیلي هوا او د یمنا سیند اوبه ککړې او زهرجنې شوې دي، د هندوانو د چاهت پوجا د مراسمو لپاره پکې هندوانې ښځې لامبي چې دوی ورته مقدسه لامبا هم ويل کېږي. د چاهت پوجا دا څلور ورځنی رسم د نومبر له پنځمې پیل شوی دی. بلخوا کارپوهان وايي چې یمنا سیند ته د ډیلي ښار د سخا اوبو سره سره د کارخانو فضله هم لوېږي چې له وجې یې د دې سیند اوبه ډېرې خرابې او زهرجنې شوې دي او پکې لامبل د صحت لپاره ښه نه دی. تفصیل په دې راپور کې وګورئ چې منور شاه د رویټرز اژانس له ویډیو جوړ کړی دی.