د نوښار په مدرسه کې ۴ ورځنۍ سپورټي سیالۍ او فرهنګي مېله شوې
د خیبر پښتونخوا د نوښار په جامعه عثمانیه کې د کرکټ په ګډون څلور ورځنۍ سپورټي سیالۍ او فرهنګي مېله شوې ده چې موخه یې د اقلیمي بدلون په اړه پوهاوی زیاتول او د مدرسو په اړه منفي فکر ختمول ول. په سیالیو او مېله کې د مدرسو او سکولونو زده کوونکو او ولسي وګړو هم ګډون وکړ. په مېله کې د مدرسو د زده کوونکو په لاسونو جوړ انځورونه هم نندارې ته وړاندې شول. ویډیويي رپورټ.