د بنګلا دېش د کرکټ لوبډلې د درو یو ورځنیو سیالیو په لومړۍ لوبه کې افغان لوبډلې ته ماته ورکړه.
د فبرورۍ پر ۲۳مه د چټاګانګ په ظهور احمد چودري لوبغالي کې د سیالۍ پچه افغان لوبډلې وګټله او په ټاکلیو ۵۰ اورونو کې یې د ټولو لوبغاړو په سوځېدو ۲۱۵ منډې جوړې کړې.
د افغانستان نجیب ځدراڼ ۶۷، رحمت شاه ۳۴ او لوبډلمشر ۲۸ منډې جوړې کړې.
د بنګلا دېش له توپ اچوونکو (بالرانو) څخه یې مستفیض الرحمان درې لوبغاړي وسوځول او شکیب الحسن، اشرف الاسلام او تسکین احمد دوه، دوه وېکټې واخیستې.
د بنګلا دېش لوبډلې په ۴۹م اور کې د شپږو لوبغاړو په سوځېدو ټاکلی هدف پوره کړ. د هغې لوبډلې عفیف حسین ۹۳ او مهدي حسن ۸۱ منډې جوړې کړې. د افغانستان له لوري، فضل حق فاروقي څلور او راشد خان او مجیب الرحمان یو، یو لوبغاړی وسوځاوه.
ټاکل شوې چې دواړه لوبډلې د فبرورۍ پر ۲۵مه دویمه سیالي وکړي.
د افغانستان او بنګلا دېش ترمینځ تر اوسه اته نړیوالې یو ورځنۍ سیالۍ شوې دي چې پینځه یې بنګلا دېش او پاتې یې افغانستان ګټلې دي.
د بنګلا دېش لوبډلې تر اوسه ۳۸۸ یو ورځنۍ سیالۍ کړې دي چې ۱۳۶ یې ګټلي او افغانستان له خپلو ۱۳۲ یو ورځنیو لوبو څخه ۶۵ ګټلې دي.
